KWENTO NG AKING KAIBIGAN… Nagmahal. Nasaktan. Nangarap Muli
By: “BraveHeartKid” Libert Ong (@libert_ong)
February 8, 2017
Nang kayo’y nagkakilala,
Mundo niya’y nagbagong bigla;
Mula sa inyong hi at hello,
Nauwi sa pagiging isa ng inyong mundo.
Pagsasama ninyong dalawa ay kaysaya,
Mundo’y tumigil dahil sa inyong tuwa;
Halos lahat ng pangarap ay natupad,
Tila bas a lupa ay hindi na sasayad.
Ngunit isang araw nagbago na lang
Pagmamalan ninyo’y tila ba kinalawang;
Tiwala sa isa’t-isa’y biglang naglaho,
Unti-unti nawala ang kinang sa mga puso.
Natigil ang dating kaysayang pagsasama,
Mga pangarap tila ba bigla na lang nawala;
Ngunit ang aking kaibigan ay patuloy umaasa sa pagbabalik
Ng mga pusong sa isa’t-isa’y sabik na sabik.
Naitulak kang palayo ng aking kaibigan,
Ngunit unang nangulila ay siya naman;
Inakala niyong tunay na pag-iibigan,
Nauwi na ngayon sa pusong nagsasakitan.
Ang kwentong sana’y wala ng hanggan,
Ngayon ay nasa nakaraan na lamang;
May iba ka na raw yatang natagpuan
At sa kanya naman ay may nagpaparamdam.
Minsan kanyang inakala na mayroon ng pumalit,
Ngunit puso ay sadyang mayroon pa ring pait;
Hindi sapay upang punan ang inyong iniwan,
Nawa’y aking kaibigan maging masaya naman.
Salamat sa binigay mong pagmamahal sa kanya,
Hanggang ngayon siya’y nangungulila;
Ngunit huwag kang mag-alala masyado,
Dahil tunay na matatag ang kaibigan ko.
Ngayong Pebrero mukha lamang siyang malungkot
Pero tuhod niya’y di naman kailangang bumaluktot;
Sapagkat alam kong sa tamang panahon,
May bagong kwentong darating na hinding-hindi na maibabaon.
Salamat sa inyong istorya,
Nakagawa na naman ako ng isang tula;
Ano mang mangyari sa pag-iibigan dito sa mudo,
Sa Panginoon lang natin makikita ang katunayan nito.
Ang Panginoon ay gagawa ng inyong tunay na kwento,
Kwentong hindi malilimot kailanman ng buong mundo;
Kwentong magbibigay ng panibagong pangarap kasama Siya sa dulo ng walang hanggan,
Kwento ng pait tiyak na mapapalitan ng tunay na kailgayahan.
Brave Heart Kid's New Notebook 